HIghtech Niraksharacharitham -Collection of radio cartoons by D.Pradeep Kumar released

Prasar Bharati Parivar: HIGHTECH Niraksharacharitham -collection of radio cartoons by D.Pradeep ...: "Hightech Niraksharacharitham",a collection of 27 radio cartoons written by Shri. D.Pradeep Kumar, Programme Executive, All...

ഓര്‍മ്മകളില്ലായിരിക്കണം!

1.
ഇന്നലെ വന്നവർ ചോദിക്കുന്നു
ഈ ശിലാഫലകങ്ങളിൽ എന്തേ ഞങ്ങളുടെ മുദ്രകളില്ലാത്തെ?
അകത്തെ ചുവരുകളിലൊന്നിൽ ചായം പൂശുന്നത്‌ ഞങ്ങളല്ലേ?
വടവൃക്ഷത്തിനിപ്പോൾ വെള്ളമിറ്റുന്നത്‌ ഞങ്ങളല്ലേ?
2.
‘ഈ മഹാസ്ഥാപനം,ഈ ചുവരുകള്‍
ഇവയെല്ലാം നിര്‍മ്മിച്ചതാരാണു?
-അയാള്‍ പറഞ്ഞു; എന്തിനാണീ അനാവശ്യ ജിജ്ഞാസ?
നിങ്ങളിങ്ങോട്ട് നോക്കൂ
ഈ ചുവരുകളിലെ ചായകൂട്ടുകള്‍ നോക്കൂ
ഇവയുടെ സ്പോണ്‍സറെക്കുറിച്ചു നമുക്കിനി സംസാരിക്കാം!

നാം പിന്നെയും കെ.ആര്‍.നാരായണനെ മറന്നു...

ഇന്ന്(9.11.2014) കെ.ആർ നാരായണറെ ഒന്‍പതാം ചരമവാര്‍ഷികദിനമായിരുന്നു. യാതനകളുടേയും വേദനകളുടേയും ദുരിതപർവ്വങ്ങൾ നിശ്ചയദാർഡ്യം കൊണ്ട് താണ്ടി,ഭാരതത്തിന്റെ പ്രഥമപൌരനായി തീർന്ന ഈ മഹാനായ മലയാളി എത്ര പെട്ടന്നാണു മറക്കപ്പെടുന്നത്! എത്ര ക്രൂരമായാണു അദ്ദേഹത്തിന്റെ സ്മരണയെപ്പോലും പാതാളക്കുഴിയിലേക്ക് ചിലർ ചവുട്ടിത്താഴ്ത്തുന്നത്. കെ.ആർ. നാരായണൻ രാഷ്ട്രപതിയായപ്പോൾ അദ്ദേഹത്തെ ഒരുപക്ഷേ ഏറ്റവുമധികം പുകഴ്ത്തുകയുംആഘോഷപൂർവ്വം തങ്ങളുടെ ആസ്ഥാനത്ത് സ്വീകരിച്ച് ആനയിക്കുകയും ചെയ്ത ദിനപത്രമാണു,മലയാള മനോരമ.അത് ഉള്‍പ്പെടെയുള്ള പ്രമുഖദിനപ്പത്രങ്ങള്‍ അദ്ദേഹത്തെ ഇത്തവണയും അനുസ്മരിച്ചില്ല. അദ്ദേഹത്തിന്റെ ജന്മനാട്ടില്‍ തിരുവഞ്ചൂര്‍ രാധാകൃഷ്ണനും ഉഴവൂര്‍ വിജയനും പങ്കെടുത്ത ശുഷ്ക്കമായ ഒരു ചടങ്ങിന്റെ റിപ്പോര്‍ട്ട് ദൂരദറ്ശനില്‍ കണ്ടു.അത്രമാത്രം.സർക്കാരോ രാഷ്ട്രീയപാർട്ടികളോ മറ്റ് എന്തെങ്കിലും ചടങ്ങു നടത്തിയതായി അറിയില്ല. പിറന്ന നാട്ടിൽ ഇതാണു അവസ്ഥയെങ്കിൽ പുറത്ത് എന്താകും ?അദ്ദേഹം മരിച്ചത് “ടൈംസ് ഓഫ് ഇന്ത്യ” റിപ്പോർട്ട് ചെയ്തത് ഒരൊറ്റ കോളത്തിലായിരുന്നു എന്ന് ഓർക്കുമ്പോൾ പ്രതികാരബുദ്ധിയോടെ ചിലർ കെ.ആർ.നാരായണനെ തിരസ്കരിക്കാൻ പണ്ടേ ഇറങ്ങിത്തിരിച്ചിരുന്നു എന്ന് വ്യക്തമാവും.ഇന്ത്യയിലെ പരമോന്നത പദവിയിൽ ഒരു അയിത്തജാതിക്കാരൻ കയറിയിരുന്നതിൽ കുണ്ഠിതമുള്ളവർ പ്രതികാരം തീർക്കുന്നത് ഇങ്ങനെയൊക്കെയാകാം. ദളിതരുടേയും പിന്നാക്കക്കാരുടേയും രാഷ്ട്രീയാരോഹണത്തിനു വഴിയൊരുക്കിയ വി.പി.സിങ്ങിനോടും ഇവർക്ക് തീരാത്ത പകയുണ്ടു.അദ്ദേഹത്തിന്റെ വിയോഗവാർത്ത പിന്നാമ്പുറത്തേക്ക് തള്ളി ക്രൂരമായി ആനന്ദിച്ചവരാനു ഇക്കൂട്ടർ. പക്ഷേ,പ്രത്യക്ഷമായി ഇവരോടൊപ്പം ചേരാൻ കേരളത്തിൽ ആരു മുണ്ടായില്ല.ആദ്യമായി ഒരു കേരളീയൻ ഉന്നതപദവിയിലെത്തിയതിൽ അഭിമാനിക്കാത്ത ഒരു മലയാളിയുമില്ല.നയതന്ത്രജ്ഞനായും,ജെ.എൻ.യു വൈസ് ചാൻസ്ല

റായും,ഉപരാഷ്ട്രപതിയായുമൊക്കെ കെ.ആർ.നാരായണൻ വിജയത്തിന്റെ പടവുകൾ ഒന്നൊന്നായി കയറിപ്പോയപ്പോഴൊക്കെ അതിൽ പുളകം കൊണ്ടവരാണു നമ്മൾ.എന്നിട്ടും ഇപ്പോൾ എന്തേ,മഹാനായ ഈ മലയാളിയെ നാം തിരിഞ്ഞുനോക്കുന്നില്ല? അത് വെറുതെയല്ല.അതിനും ഒരു രാഷ്ട്രീയമുണ്ടു.അതു തുടങ്ങുന്നത് അദ്ദേഹം ഒറ്റപ്പാലത്ത് നിന്ന് ലോക്സഭയിലേക്ക് മത്സരിച്ചപ്പോൾ മുതലാണു.ഈ വിശ്വപൌരനു മത്സരിക്കാൻ എന്തിനു ഒരു സംവരണ സീറ്റ് വെച്ച് നീട്ടി?അന്നേ ഈ ചോദ്യം ഉന്നയിക്കപ്പെട്ടിരുന്നു.കെ.പി.എസ് മേനോന്മാരുടെ നാട്ടിൽ അവരുടെ പിൻഗാ മിയെ മത്സരിപ്പിക്കാനിറക്കി എന്ന വ്യാഖ്യാനങ്ങളുമുണ്ടായി.അപ്പോൾ അദ്ദേഹം തിരുവനന്തപുരത്തോ എറണാകുളത്തോ നിന്ന് മത്സരിച്ചുജയിച്ചിരുന്നുവെങ്കിൽ ചിത്രം മറ്റൊന്നാകുമായിരുന്നു. പുറത്ത് രാഷ്ട്രീയപ്രബുദ്ധത പ്രകടിപ്പിക്കുകയും ഉള്ളിൽ ജാതിയുടേയും നികൃഷ്ടതയുടേയും ദുഷിച്ച മാലിന്യങ്ങൾ പേരുകയും ചെയ്യുന്ന മലയാളി ഒരിക്കലും ,എത്ര പ്രഗൽഭനാണെങ്കിൽ കൂടി, പൊതുമണ്ഡലത്തിൽ നിന്നും ഒരു ദളിതനെ വിജയിപ്പിക്കില്ല.അതിനു ഒരേ ഒരു അപവാദം മാത്രമേ ഇക്കാലത്തിനിടയിൽ ഉണ്ടായിട്ടുള്ളൂ-കണ്ണൂരിൽ നിന്ന് ലോക്സഭാംഗമായ

. അങ്ങനെ വിശ്വപൌരനായിട്ടും ദളിതൻ എന്ന് മുദ്ര പേറിത്തന്നെയായിരുന്നു അദ്ദേഹം ദേശീയരാഷ്ട്രീയത്തിലേക്ക് പ്രവേശിച്ചത്.ആ ഒരു ആനുകൂല്യമില്ലാതെ തന്നെ ഉന്നതപദവികൾക്ക് അർഹനായിരുന്നു അദ്ദേഹം.പക്ഷേ പിന്നെയും ഒരു സൌജന്യമെന്ന പോൽ നൽകപ്പെടുകയായിരുന്നു,ഉപരാഷ്ട്രപതി,രാഷ്ട്രപതി സ്ഥാനങ്ങൾ.അദ്ദേഹത്തെക്കാൾ പ്രാഗൽഭ്യവും യോഗ്യതയും കുറഞ്ഞ എത്രയോ പേർ രാഷ്ട്രീയകാരണങ്ങളാൽ ഈ ഉന്നതപദവികളിൽ എത്തപ്പെട്ടു. പക്ഷേ,താൻ ഒരു റബ്ബർ സ്റ്റാമ്പല്ലെന്ന് അദ്ദേഹം ലോകത്തെ കാട്ടിക്കൊടുത്തത് ഇന്ത്യ കണ്ട ഏറ്റവും ശക്തനായ രാഷ്ട്രപതി എന്ന നിലയിൽ ഭരണഘടനാവ്യവസ്ഥകളെ സുധീരം ഉയർത്തിപ്പിടിച്ച് കൊണ്ട് അദ്ദേഹം നിരന്തരം നടത്തിയ ഇടപെടലുകളിലൂടെയായിരുന്നു. സംസ്ഥാനസർക്കാരുകളെ പിരിച്ചുവിടാനുള്ള കേന്ദ്രമന്ത്രിസഭാ ശിപാർശ അങ്ങനെ ആദ്യമായി തിരിച്ചയക്കപ്പെട്ടു.ഉന്നത നീതിപീഠങ്ങളിൽ ദളിതർക്കും പിന്നാക്കക്കാർക്കും നിയമനങ്ങൾ ഉറപ്പുവരുത്തുന്നതിനായി അദ്ദേഹം നിരന്തരം ശബ്ദമുയർത്തി.തെരഞ്ഞെടുപ്പിൽ വോട്ടു രേഖപ്പെടുത്തിക്കൊണ്ടു ഉന്നതമായ ജനാധിപത്യബോധവും പ്രകടിപ്പിച്ചു.സത്യസന്ധതയോടെയും ആത്മാർത്ഥതയോടെയും തന്നിൽ അർപ്പിച്ച എല്ലാ കടമകളും ഭംഗിയായി നിർവഹിച്ചു,അദ്ദേഹം. അഴിമതിയുടേയും ആഡംബരത്തിന്റേയും കറപുറളാത്ത ലളിതജീവിതമായിരുന്നു കെ.ആർ,നാരാണന്റേത്. വരും തലമുറകളെ പ്രചോദിപ്പിക്കുന്ന ഉദാത്തമായ ജീവിതമാതൃക അവശേഷിപ്പിച്ച് കടന്നു പോയ അദേഹത്തെ എങ്ങനെയാണു എഴുതി തള്ളുക? പക്ഷേ,അത്തരമൊരു തിരസ്കാരമാണു മരണാന്തരം ജന്മനാട് അദ്ദേഹത്തിനു നൽകിയത്.അദ്ദേഹം പഠിച്ച ഉഴവൂരിലെ എൽ.പി സ്കൂളിനും,അടുത്തിടെ മാത്രം പ്രവര്‍ത്തനക്ഷമമായ ഓഡിയോ-വിഷ്യൽ സെന്ററിനും അദ്ദേഹത്തിന്റെ പേർ നൽകിയതു കൊണ്ട്കെ.ആർ.നാ‍ാരായണന്റെ സ്മരണയോട് നമ്മൾക്ക് നീതി പുലർത്താനാകില്ല.അതിലും എത്രയോ വലിയ സ്മാരകങ്ങൾ അദ്ദേഹം അർഹിക്കുന്നു. എന്തുകൊണ്ടാണു അന്താരാഷ്ട്ര വിമാനത്താവളങ്ങൾക്കോ,അന്താരാഷ്ട്രനിലവാരമുള്ള ഉന്നത വിദ്യഭ്യാസസ്ഥാപനങ്ങൾക്കോ ഗവേഷണ കേന്ദ്രങ്ങൾക്കോ അദ്ദേഹത്തിന്റെ പേരു നൽകാത്തത്?ദേശീയ സ്മാരകങ്ങളിൽ ബഹുഭൂരിപക്ഷവും ഗാന്ധി-നെഹ്രു കുടുംബങ്ങൾക്കായി നീക്കി വെക്കപ്പെടുന്ന പാരമ്പര്യമുള്ള ഇന്ത്യയിൽ തലസ്ഥാനനഗരിയിൽ കെ.ആർ.നാരായണന്റെ പേരിൽ ഒരു ദേശീയസ്മാരകവുമുയരാനിടയില്ല.ഭരണഘടനാശിൽ‌പ്പി ഡോ ബി.ആർ.അംബേദ്കറിന്റെ ചിത്രം പാർലമെന്റ് മന്ദിരത്തിൽ വെക്കാൻ വി.പി.സിങ്ങ് സർക്കാർ അധികാരത്തിലെത്തും വരെ വിസമ്മതിച്ചവരാണു നമ്മുടെ ഭരണകർത്താക്കൾ. അവരെ കെ.ആർ.നാരായണന്റെ സ്മരണകൾ അസ്വസ്ഥമാക്കും.അദ്ദേഹം ഉയർത്തിപ്പിടിച്ച മൂല്യങ്ങളും വരുംതലമുറക്ക് നൽകുന്ന സന്ദേശങ്ങളും ഇഷ്ടപ്പെടാത്തവരാണു കെ.ആർ.നാരായണനെ വിസ്മൃതിയിലേക്ക് തള്ളിയിടാൻ ശ്രമിച്ചുകൊണ്ടിരിക്കുന്നത്. അവരോടൊപ്പം കേരളീയർ കൂടുന്നത് പരിതാപകരമാണു.

ഫേസ്ബുക്ക്‌ കുറിപ്പുകൾ-2 ശബരിമലയിലെ ശുദ്ധികലശം

D Pradeep Kumar
14 May near Mavalikara
ശബരിമലയിൽ ഇന്നു നടക്കുന്ന ശുദ്ധികലശത്തെ ഓർത്ത്‌ ആധുനിക സമൂഹം ലജ്ജിക്കണം.ശബരിമലയിൽ സ്ത്രീകൾ ദർശ്ശനം നടത്തിയാൽ ,അപരചിന്തകളുമായി വരുന്ന ചില അസ്ഥിരചിത്തർക്ക്‌ ചാഞ്ചല്യമുണ്ടായേക്കാമെന്നല്ലാതെ,മറ്റൊന്നും സംഭവിക്കില്ല.ആചാരാനുഷ്ഠാനങ്ങളൊക്കെയും കാലികമായ പരിതസ്ഥിതികൾക്കനുസൃതമായി എന്നും മാറിക്കൊണ്ടിരിക്കുന്നതാണു.അതാണു നാട്ടു നടപ്പ്‌.
പക്ഷേ,പതിവുപോലെ ഇവിടെയും കീഴാചാരം ചൂണ്ടിക്കാട്ടി പൗരോഹിത്യം അതിനു സമ്മതിക്കില്ല.അവരിതൊക്കെ കുടുംബകാര്യമായി കൊണ്ടുനടക്കുന്നവരാണു.അതിനു കാരണമുണ്ടു.
-ശബരിമല,ഗുരുവായൂർ ഉൾപ്പെടെയുള്ള പ്രമുഖ ക്ഷേത്രങ്ങളിൽ തന്ത്രി,മേൽശാന്തി സ്ഥാനങ്ങൾ ഏതാനും ബ്രാഹ്മണ കുടുംബങ്ങൾക്ക്‌ തീറെഴുതിക്കൊടുത്തിരിക്കുകയാണു.അവരുടെ തേർവ്വാഴ്‌ച്ചയാണു അവിടെനടക്കുന്നത്‌.
തന്ത്രവിദ്യയിലും പൂജാദികർമ്മങ്ങളിലും പ്രാവീണ്യമുള്ള എല്ലാവിഭാഗങ്ങൾക്കുമായി ആ സ്ഥാനങ്ങൾ തുറന്നു കൊടുക്കണം.അതിനു ജനാധിപത്യ സർക്കാരുകൾ ബാദ്ധ്യസ്ഥമാണു.
ഈ ക്ഷേത്രങ്ങളുടെ തന്ത്രിമാരും മേൽശാന്തിമാരുമായി ദളിത്‌,ആദിവാസി സ്ത്രീകളടക്കമുള്ളവർ വരട്ടെ.കുറഞ്ഞപക്ഷം നമ്മുടെ വെള്ളാപ്പള്ളിയുടെ ആൾക്കാർക്കെങ്കിലും ഈ ക്ഷേത്രങ്ങളുടെ ശ്രീകോവിലുകൾ തുറന്നു കൊടുക്കട്ടെ.വെറും ഒരു ദേവസ്വം ബോർഡ്‌ അംഗത്വം കൊണ്ട്‌ തൃപ്തിപ്പെടുന്ന വെള്ളാപ്പള്ളിക്ക്‌ സാമൂഹികനവോത്ഥാനത്തിന്റെ പിന്തുടർച്ചക്ക്‌ പൗരോഹിത്യത്തിന്റെ അബ്രാഹ്മണവത്കരണം അനിവാര്യമാണെന്ന് മനസ്സിലാകില്ല.ദേവസ്വം ബോർഡുകളുടെ അദ്ധ്യക്ഷപദവിയിൽ ദളിത്‌,ആദിവാസി വനിതകൾ വരട്ടെ.സവർണ്ണർക്കായി തീറെഴുതിക്കൊടുത്തിരിക്കുന്ന ഈ അധികാരസ്ഥാനങ്ങളിലുള്ളവരെ ബഹിഷ്ക്കരിച്ച്‌,ഈ സാമൂഹികഘടനയിൽ സമൂലമായ പൊളിച്ചെഴുത്ത്‌ നടത്തണമെന്ന് എന്തുകൊണ്ടാണു ഇപ്പോഴും ബുദ്ധിജീവികൾ ആവശ്യപ്പെടാത്തത്‌?ഗുരുവായൂരിലും ശ്രീപദ്മനാഭസ്വാമിക്ഷേത്രത്തിലും ,പരിഹാരക്രിയകളുടെ ഭാഗമായി അടുത്തിടെ ബ്രാഹ്മണരുടെ കാൽകഴുകിച്ചൂട്ടൽ പോലുള്ള പ്രാകൃതമായ ദുരാചാരങ്ങൾ നടന്നപ്പോൾ എന്തുകൊണ്ടു നമ്മുടെ ബുദ്ധിജീവികളൊക്കെ മൗനിബാബകളായി??

ഫേസ്ബുക്ക്‌ കുറിപ്പുകൾ-1 കൊച്ചി.എഫ്‌.എം

27 May near Mavalikara
നീണ്ട 13 വർഷത്തെ ഇടവേളയ്ക് ശേഷം ഞാൻ ഇന്ന് ആകാശവാണി കൊച്ചി എഫ്‌.എം. നിലയത്തിൽ തിരിച്ചെത്തി.
കണ്ണൂർ ഒഴികെയുള്ള കേരളത്തിലെ എല്ലാ ആകാശവാണി നിലയങ്ങളിലും,അതിനു മുൻപ്‌ മൂന്ന് പത്രസ്ഥാപനങ്ങളിലും ഒരു കേന്ദ്ര സർക്കാർ മാദ്ധ്യമ കേന്ദ്രത്തിലും ജോലി നോക്കിയിട്ടുണ്ടെങ്കിലും ഈ നിലയത്തിന്റെ ഗേറ്റ്‌ കടക്കുമ്പോളുണ്ടാകുന്ന സന്തോഷം മറ്റെവിടെയുമില്ല.സ്വന്തം വീട്ടിലേക്ക്‌ വരുന്ന പ്രതീതിയാണത്‌-a sense of belongingness.
ഒരുപറ്റം ആൾക്കാർ ആത്മാർപ്പണം ചെയ്ത്‌ പടുത്തുയർത്തിയ ഒരു ജനകീയ മാദ്ധ്യമസ്ഥാപനമാണിത്‌-ഒരിക്കലും ഇതൊരു സർക്കാർ ഓഫീസായി ആർക്കും തോന്നുകയില്ല.
-വലിയൊരു കൂട്ടായ്മയുടെ വിജയകഥയാണത്‌.
അതിനു മുന്നിൽ നിൽക്കാൻ നിയോഗമുണ്ടായത്‌ ഈയുള്ളവനും,അന്തരിച്ച പ്രിയ സുഹൃത്ത്‌ ഡി.പരമേശ്വരൻ പോറ്റിക്കുമായിരുന്നു.1994 ഡിസംബറിൽ തൃശൂരിൽ നിന്ന് എന്നെയും,ദേവികുളത്ത്‌ നിന്ന് പരമേശ്വരൻ പോറ്റിയേയും തസ്തികകൾ സഹിതം ഇങ്ങോട്ട്‌ മാറ്റി നിയമിച്ചത്‌,1989 നവംബറിൽ പ്രക്ഷേപണം തുടങ്ങിയ ,കേരളത്തിലെ ആദ്യത്തെയും ദക്ഷിണേന്ത്യയിലെ രണ്ടാമത്തേതുമായ ഈ എഫ്‌.എം.നിലയത്തിൽ പൂർണ്ണതോതിൽ പരിപാടികൾ തുടങ്ങാനായിരുന്നു.അന്നത്തെ അസിസ്റ്റന്റ്‌ ഡയറക്റ്റർ കെ.കെ.കുര്യൻസാർ ഞങ്ങളെ വരവേറ്റത്‌,ഇന്ത്യയിലെ എല്ലാ നിലയങ്ങളിൽ നിന്നുമുള്ള നല്ല പരിപാടികളുടെ നീണ്ട ഒരു ലിസ്റ്റുമായിട്ടായിരുന്നു.പത്രപ്രവർത്തനരംഗത്തെ പ്രവർത്തനപാരമ്പര്യവും സാമൂഹിക-രാഷ്ട്രീയ ബന്ധങ്ങളും,പ്രാദേശിക റേഡിയോ നിലയം(local radio station)എന്ന നൂതന ആശയം നൽകിയ പ്രവർത്തനസ്വാതന്ത്ര്യവും ഉപയോഗിച്ച്‌ ഏതാനും ആഴ്ച്ചകൾക്കകം ഞങ്ങളത്‌ സാധിതമാക്കി.അതിനു പ്രതിഭാധനരായ കാവാലം ശ്രീകുമാറും എൻ.കെ.സെബാസ്റ്റ്യനും ബലമേകി.ഒപ്പം ഊർജ്ജസ്വലരായ യുവപ്രക്ഷേപകരായ കെ.വി.ശരത്ചന്ദ്രൻ,പി.എ.ബിജു,പിന്നെ തെന്നൽ,വി.എം ഗിരിജ,അകാലത്തിൽ വിട്ടുപിരിഞ്ഞ സാഹസികനായ കാഷ്വൽ അവതാരകൻ റെജിനാഥ്‌,ബെൻസി അയ്യമ്പള്ളി തുടങ്ങിയവരടങ്ങിയ ടീമും.(അവരായിരുന്നു "സമകാലികം"പരിപാടിയെ ജീവസ്സുറ്റതാക്കാൻ സാഹസികത നിറഞ്ഞ നിയോഗങ്ങൾ സസന്തോഷം ഏറ്റെടുത്തത്‌).എൻ.അജിത്‌,
ബാബുരാജ്‌ തുടങ്ങിയവരെയും പ്രത്യേകം പരാമർശ്ശിക്കേണ്ടതുണ്ട്‌.

അന്ന് തുടങ്ങിയവയിൽ ബഹുഭൂരിപക്ഷവും കൂടുതൽ മെച്ചമാക്കിയതിനു,പിന്നാലെ വന്ന എല്ലാവർക്കും നന്ദി.അതു കൊണ്ടാണല്ലോ,ഈ മാദ്ധ്യമപ്രളയകാലത്തും പ്രൗഡിയോടെ ഇന്നും കൊച്ചി എഫ്‌.എം നിലയവും എഫ്‌.എം.റെയിൻബോയും തലയുയർത്തിപ്പിടിച്ച്‌ നിൽക്കുന്നത്‌.
------------------------
ഇനി ഒരു ഫ്ളാഷ്ബാക്ക്;ഓർമ്മകളുണ്ടായിരിക്കണം.
വർഷങ്ങൾ അത്യദ്ധ്വാനം ചെയ്തുണ്ടാക്കിയതത്രയും പ്രഭാതപ്രക്ഷേപണം പൊടുന്നനെ നിർത്തിവെച്ച്‌,തകർത്തെറിഞ്ഞപ്പോൾ ജനങ്ങൾ അതിനെതിരെ നടത്തിയ പോരാട്ടത്തിനു സമാനതകളില്ല.മൂന്നു ആക്ഷൻ കമ്മറ്റികളായിരുന്നു സമരരംഗത്തിറങ്ങിയത്‌.ഹൈക്കോടതിയിൽ ഡി.ബി.ബിനു പൊതുതാൽപര്യ ഹർജ്ജി നൽകി(പിന്നീട്‌ ഒരു താൽക്കാലിക ഉത്തരവിലൂടെ ജസ്റ്റിസ്‌ സി.എസ്‌.രാജൻ പ്രഭാതപ്രക്ഷേപണം പുനസ്ഥാപിക്കാൻ ഉത്തരവ്‌ പുറപ്പെടുവിച്ചതോടെ നിയമപ്പോരാട്ടം വിജയിച്ചു.പിന്നീട്‌ പത്ത്‌ വർഷത്തോളം ബിനുവും അദ്ദേഹത്തിന്റെ അഭിഭാഷകൻ പി.കെ.ഇബ്രാഹിമും ഈ കേസ്‌ നടത്തി.സ്റ്റേഷന്റെ സുഗമമായ പ്രവർത്തനത്തിനു തസ്തികകളും ഫണ്ടും അനുവദിച്ചിട്ടുണ്ടെന്ന വാർത്താ-വിതരണ പ്രക്ഷേപണ മന്ത്രാലയത്തിന്റെ ഉറപ്പിനെ തുടർന്നാണു കേസ്‌ തീർപ്പായത്‌).

അന്ന് ലോക്സഭയിലും നിയമസഭയിലും ശ്രദ്ധക്ഷണിക്കൽ പ്രമേയങ്ങൾ അവതരിപ്പിക്കപ്പെട്ടു.പ്രക്ഷേപണം പുനസ്ഥാപിക്കണമെന്ന് ആവശ്യപ്പെട്ട്‌ "മാതൃഭൂമി" മുഖപ്രസംഗം എഴുതി."മലയാള മനോരമ"യിൽ പ്രൊ.എം.കെ സാനുവും ,"മാദ്ധ്യമ"ത്തിൽ മാധവിക്കുട്ടിയും സി.രാധാകൃഷ്ണനും കൊച്ചി എഫ്‌.എമ്മിനുവേണ്ടി ശക്തമായി എഴുതി.എറണാകുളം ജില്ലയിലെ എല്ലാ തദ്ദേശസ്വയംഭരണ സ്ഥാപനങ്ങളും പ്രമേയം പാസാക്കി.........ഇങ്ങനെ, ചരിത്രത്തിൽ സമാനതകളില്ലാത്ത ആ ജനപിന്തുണയെക്കുറിച്ചോർക്കുമ്പോൾ അഭിമാനം തോന്നുന്നു.
ഈ മാദ്ധ്യമത്തിന്റേയും അന്നത്തെ ടീമിന്റേയും ജനകീയതയും സാമൂഹികപ്രതിബദ്ധതയുമായിരുന്നു അതിനു കാരണം.

(ജനകീയ പ്രക്ഷേപണം ഫയലെഴുത്തോ,വാച്ചും ചട്ടപ്പുസ്തകങ്ങളും നോക്കിയുള്ള ബലം പിടുത്തമോ,സർവ്വതിനേയും ഭയപ്പെട്ടിരിക്കലോ,ഓഫീസർ ചമയലോ അല്ല എന്നോർമ്മിപ്പിക്കാൻ വേണ്ടി മാത്രമാണീ കുറിപ്പ്‌).

ആൾക്കൂട്ടം ഇൻലന്റ്‌ മാസിക