വായന എന്നാൽ ഇപ്പോൾ, വായിച്ചത് കേൾക്കൽ കൂടിയാണ്.
തിരക്കിട്ട ജീവിതത്തിൽ വായനയ്ക്ക് സമയം കണ്ടെത്താനാകാത്തവർക്ക്,ഓഡിയോ ആപ്പുകളിലൂടെ പുസ്തകങ്ങൾ കേൾക്കാം.
ഓഡിയോ ബുക്കുകളും കടന്ന് ഈ ആപ്പുകളിൽ ഇപ്പോൾ ഓഡിയോ പരമ്പരകൾ, ഷോകൾ മുതൽ ഓഡിയോ സിനിമകൾ വരെയുണ്ട്.
ആദ്യ എപ്പിസോഡിലെ അതിഥികൾ: ദാമോദർ രാധാകൃഷ്ണൻ, ഡോ. രാജേഷ് കെ പുതുമന.
കൊട്ടാരത്തിൽ ശങ്കുണ്ണിയുടെ 'ഐതിഹ്യമാല' ,ഒ .വി വിജയൻ്റെ 'ഖസാക്കിൻ്റെ ഇതിഹാസം', സി. രാധാകൃഷ്ണൻ്റെ 'തീക്കടൽ കടഞ്ഞ് തിരുമധുരം' ഉൾപ്പെടെ ഇരുന്നൂറോളം പുസ്തകങ്ങൾക്കും ഒട്ടേറെ ഓഡിയോ പരമ്പരകൾക്കും റേഡിയോ പരിപാടികൾക്കും ശബ്ദം നൽകിയിട്ടുണ്ട്,ദാമോദർ രാധാകൃഷ്ണൻ. സ്റ്റോറി ടെൽ,കുക്കു എഫ്.എം തുടങ്ങിയ ഓഡിയോ പ്ലാറ്റ്ഫോമുകൾക്കു വേണ്ടി പ്രവർത്തിക്കുന്ന ഡി.ആർ ഓഡിയോസിൻ്റെ സ്ഥാപകനാണ്.
തകഴിയുടെ 'കയർ ', മനു എസ് പിള്ളയുടെ 'ദന്തസിംഹാസനം', പ്രൊഫ.ടി.എ ജോസഫിൻ്റെ 'അറ്റുപോകാത്ത ഓർമ്മകൾ' ,സാറാ ജോസഫിൻ്റെ 'ബുധിനി' തുടങ്ങി നൂറിലധികം പുസ്തകങ്ങൾക്ക് ശബ്ദം നൽകിയിട്ടുള്ള ഡോ. രാജേഷ് കെ പുതുമന കോട്ടയത്ത് ഹൈസ്ക്കൂൾ അദ്ധ്യാപകനാണ്. കഥാപ്രസംഗം, ദൃക്സാക്ഷിവിവരണം, മിമിക്രി തുടങ്ങിയ രംഗങ്ങളിലും ശ്രദ്ധേയൻ.
ഈ പരിപാടിയുടെ ശബ്ദലേഖനം മീഡിയ വേവ്സ് ചാനലിൽ:https://youtu.be/oDlzpKdlboo?si=b2MtmfljR-HNmHvf
No comments:
Post a Comment